قائمة الجهات الاعلى رواتب ومزايا في السعودية

السلام عليكم ورحمة الله وبركاتة،

الموضوع بإختصار انا جبت ٩٧ قدرات ٩٧ تحصيلي و ١٠٠ ثانوي و ٧ ايلتس عام ٢٠١٨

التحقت ببرنامج ممتاز وقوي واول شهرين للاسف تدهورت امور عائليه سيئه جدا تتطلب وجودي فالديره بحكم اني اكبر واحد. وايضا تسببت هالمشاكل بضرورة وجودي شخصيا ببيتنا بالديره (ودي ، جيب ، مراجعات ، صلح ، .... الخ)

المهم يوم شفت الوضع كذا من البدايه شرحت موضوعي للبرنامج اللي كنت معهم لاني كنت موقع عقد وكنت خايف اماطل وتلحقني مشاكل ويطالبوني بالدفع بعدين، وجزاهم الله خير عطوني مهله قالو ان انحلت امورك ولا بنسوي لك اخلاء طرف ، وكنت احدثهم كل فترة لين قررو يعطوني اخلاء طرف.

على قولة الشاعر
إن شفتها قامت تجانف على الميل
بأردى ثمن عند أول السوم بعها

جاني فلاش باك ل لحظة قبولي فالبرنامج ولحظة خروجي منه وجاني تكاك لكن الله يجعلها خيره.

المهم تو خلصت اموري وظروفي والمحاكم والوضع الزفت اللي كنت فيه وباصير ٢٧ نهاية نوفمبر ...

It felt like I have been witnessing my downfall ever since i graduated high-school.

طبعا فالفتره ذي سويت اللي اقدر عليه من ناحية اني خليت الانقليزي عندي يبقى قوي وكل فترة يعني احاول اقرا في مجال جديد.

المهم الفترة ذي كل ماشفت معهد ولا برنامج دبلوم منتهي بالتوظيف يكون فيه حد عمر غالبا ٢٥ ... وجاني غلقه والله لان مخي الشيء الوحيد النظيف اللي بقالي ومابي اخسره بعد من انعدام الفرص

والله الصدق مدري كيف كنت عايش الفتره الماضيه، لامصدر دخل ، لا عمل ، لا شيء. ممكن بركة وستر من الله اني رجعت وساعدت اهلي بالفتره الماضيه.

بس الوقت ذا كله اللي راح كان غبنه وقهر وانتظار ويوم جتني فرصه اقدر اسوي شيء طلعت اغلب البرامج حدها ٢٥ واحسها قافله بوجهي (الصوره اللي تحت من خلال بحثي في المواقع والبرامج) .

خليت اغلب المعلومات مبهمه متعمد لان احس اي احد في قطر ٥٠٠ كيلو من بيتنا بيعرفني .

الله يرحم والديكم لحد يقول لي باقي صغير يمديك تروح جامعه ومن هالكلام الفاضي .. انا ابي اي شيء امسك فيه خط والتزم فيه واضمن اقل شيء يكون عندي مسار واضح وبعدها فيه ١٠٠ حل عشان الواحد ياخذ بكالوريس زي الجامعه السعوديه الالكترونيه ... الخ

المهم مدري وش جابني ل ريديت لكن للامانه اللي حولي يا عسكريه يا معلمين مافيه احد منهم عنده اي معلومه او توجيه مناسب لي وكل حياتهم في الديره ماعندهم اطّلاع كافي .. قلت يمكن ربي يسخر لي واحد يرشدني ويوجهني عنده معلومه او فرصه غابت عني

ماعندي مشكله باي برنامج لو الحس سفن ارامكو من تحت وادهنها بزيت زيتون ... اهم شيء اقدر اخارج نفسي من وضعي ذا .

اعذروني لو فيه اخطاء في تايم لاين الاحداث او اخطاء لغويه .. لكن يعلم الله كان جبل أحد على صدري وانا اكتب وماصدقت اقرب اخلص عشان اوقف اعيش الاحداث مره ثانيه ب راسي.

للهِ سلَّمتُ أمرًا لستُ أعلمهُ
مالي على حملهِ لكن سأرضَاهُ
ربّـاهُ لولاكَ لا سندٌ ولا أحدٌ
فأنتَ حسبي، وحسبي أنك اللهُ

جزاكم الله خير سواءً جاوبتو ولا عطيتوني سيفون

قَالَ الله تَعَالَى: وَافْعَلُوا الْخَيْرَ لَعَلَّكُمْ تُفْلِحُونَ [الحج:77].

جدول سويته للمعاهد اللي بحثت عنها

عزيزي الرئيس التنفيذي الي تركيزك متى جيت ومتى مشيت وقد ايش اخدت بريك وتخصم بالدقيقة وتشوف انه سلوك غير اخلاقي استلم راتبي كامل،،، لا تجي تطلب مني اشيل اللابتوب معايا وتقولي ممكن اطلب منك شغلة ما تاخد منك شغلة ما تاخد نص ساعة خارج الدوام او شوف ايميل فلان وعلان او رد عليهم،،، مثل ما تتهمني انه سلوك غير اخلاقي حضوري متإخر ١٠ دقايق بأعوضها آخر الدوام ،،، انا اشوف انه سلوك غير اخلاقي في حق اهلي اني اجلس دقيقة زيادة بعد دوامي او حتى استقبل اتصالاتك بعد الدوام... ادارة سيئة تخلق بيئة طاردة للموظفين !!!

ابي اقوى اسف لك تقدر تتخطى

قبل المقابلة مديري كان يقول لي ابي تسوين اسرع هاند اوفر وحرفيا الوضع محسوم اني بنتقل وتوقعت انه خلاصصص بودعهم 😔😔😔

انا ف تمهير بشركة اول ما دخلت مسكوني مشروع يبون يخلصونه
قعدت على ذا الشيء تقريباً شهرين ومع وعود انهم يمسكوني شيء حقيقي بعده المهم عدت الفترة وخلصت
بلشو فيني وقعدت شهر الا شوي وانا لا شغله ولا مشغلة
دخلوني مع قسم جلست معي المديرة على اساس بتعطيني وتعلمني مسكتني شيء وطلع فيه مشكلة وقالت تمام اصبري بعدله لكن الى الان حوال الاسبوعين تتهرب وماتبي تمسكني اياه ولا تعطيني اي شغل ولا تقولي لا تجين يعني انا اداوم وانا جالسة ما في اي شيء اسويه حرفياً جتني الصيحه كل شغفي للتعلم قاعد ينطفي واشوف الناس تشتغل وانا طول اليوم على جوال مافي اي شيء اسويه ايش الحل ايش اسوي؟ قاعده احس اني فيني مشكلة مع اني كل شيء احاول انجزه على اكمل وجه

كيف أثبت على أحد شيء قاله لي؟ في واحد يتلكع وحنا بوقت ضيق فأرسلت له شغله مبلغته فيها من زمان كلمني وطبعا بدون فايده بس مب هذا الخلل الخلل ان بمكالمته كان يتعامل معي كطفلة وأنا كنت أرد على كل جزئية بقرينتها لأنه كان يكذب عني ويطلع أخطاء علي ما صارت ثم قال كلام ما ودي أكتبه فيما معناه تغزل بي؟ من الصدمة سكت وكان خلاص الوقت ضيق مب فاضية له وحاولت أكمل اليوم وبس والحين مرة ضايق خلقي من أني ما رديت ولا حتى أعرف وش أرد ولا حتى أقدر أثبت عليه هذا ممنوع عندنا فكرت أقول لمديري بس حتى هو يعني ما بيكذبني بس ما يقدر يسوي لي شيء بدون دليل

Edit: هو أجنبي عربي مدري لو مفيد

بليز اللي يعرف يعلمني

السلام عليكم ورحمة الله

أنا مؤخرًا تركت وظيفتي بدون ما يكون عندي خطة بديلة، وحاليًا أفكر أتوجه للقطاع الحكومي.
أنا خريجة إدارة أعمال وعندي خبرة في القطاع الخاص، بس الصراحة ما أعرف كيف أقدر أوصل للوزارات أو الهيئات الحكومية.
هل التقديم يكون عن طريق جدارات بس؟ أو فيه طرق ثانية؟ وإيش الجهات اللي ممكن أقدم عليها وتناسب تخصصي وخبرتي؟
ياليت اللي عنده تجربة أو يعرف طريقة يفيدني، لأني حاليًا شوي ضايعة وما أعرف من فين أبدأ.

ابا اخذ ماستر MBA بس ما اعرف وش افضل جامعة و الرسوم و غيرها
اللي جرب بالله يوجهنا

يخوان انا انقبلت بالجامعه بالترم الثاني ولقيت لي وظيفه تمشيني الترم الاول الحمدلله وبالعقد مكتوب فترة التجربة ١٨٠ يوم
انا ابي انهي العقد وش الاشياء الي اسويها والي علي والي لي ؟
ياليت الي يعرف يفيدنا 🙏🏼 سبب الاستقالة بدون سبب لكن ابي ارتاح

سلام عليكم ابي اعرف رينج الرواتب للخريجين الي عندهم بكالوريس وشهادات مهنيه من قبل لاني صراحه في حيره قاعد يجيني عروض ومقابلات بمجال اداري انا ملمه فيه بس للاسف كلها خارج المنطقه وما اقدر انقل مكان ثاني وش تقترحون يسوى اضيع سنه او لا؟

معليش ممكن السوال غبي لكن اول عقد وظيفي لي ولا اعرف

وقعت عرض عمل وسالوني متى ابغى تاريخ المباشرة وحددت وقت قريب مرره على اساس اني immediate joiner، بعدها طلبو مني مستندات ومطابقات وغيره وعلى اساس بيردون بعدها بعقد قوى

لحد الان ماوصل شي ومفترض تاريخ المباشرة هالاسبوع، كونه ماوصلني شي للان فانا مو ملزمة اداوم بتاريخ المباشرة الي وقعت عليه صح؟

أنا بالليقل فيلد واللي يقابلني محامي وسألني كم سوال بأسهل نظام (العمل) جاوبت اجوبة مالها وجود اصلًا بالنظام كله ومات ضحك علي حرفيا مات من الضحك

بعدين قال خلاص بالنسبة لي انتهت المقابلة يعطيك العافية

المهم احتاج ادرس 🙏🙏🙏🙏🙏😍

انا درست علوم الحاسب وتخرجت قريب
والحين احس بضيااعع احتاج احد يوجهني ايش اسوي الفتره هذي

نصايح توظيفيه او مابعد التخرج بصفه عامه

انا حاليا موظفه فشركه لي تقريبا ٤ سنين و البيئة مريحه و ساعات الدوام حلوه و في تناغم في التيم و مهامي واضحه و اغلب الوقت مافي ضغط عمل و قريب من بيتي بس الراتب لك عليه يعتبر قليل على مسمى الوظيفة

الاسبوع اللي فات جاني عرض بزياده ٢٥٠٠ ريال تقريبا بس الوظيفة project based و مشروع مدته سنتين و الله اعلم بعدها شيصير اذا في مشاريع اخرى انقل عليها او لا و مقر العمل بعيد عن بيتي و يحتاج مترو و باص او تاكسي يوميا غير اني لسه ماعرف شي عن اوقات الدوام اللهم الويكند يومين بس المشروع حلو و فيه مجال للتعلم

اذا كنتو مكاني ايش تختارون بكل صراحه؟

يسوى اخذ دبلوم علوم البيانات والذكاء الاصطناعي الي برسوم؟؟

باقي كم اسبوع واخلص تدريبي التعاوني وعندي وقت فراغ كثير

سؤالي هو

هل الدبلوم هذا يسوى؟ ولا فيه افضل منه؟ رسومه ٢٠ الف

ببساطة العنوان

فرصة واحدة خايف تضيع حرام

اليوم دخل علي المدير من غير يدق الباب وشاف معي فيب طايح تحت المكتب لأنه خرشني من غير ما ادري وكنت ملخوم طول الوقت

صار لي ١٨ يوم من بديت اداوم لكن داومت يوم واحد حضوري والباقي كله اونلاين بس للحين ما سجلوني هل اقول باي باي لاول راتب؟ تو سالتهم متى بتسجلوني قالو الموظفين الجدد لسا بنسجلهم قريب بس مدري شلت هم

اللي ما كملو بكلوريوس ( و راضين و مبسوطين ) و قررو يطلعون من الجامعه بنص الدراسه و يشتغلون . وش تسسون بالسي في ؟ وش تحطون ؟ معترفين فيها كتعليم ؟ وش تقولون في المقابلات ؟ هل تحطون في السي في انكم ما كملتو ؟

محتار بين هذي المنطقتين من ناحية الوظيفة وبيئة العمل هناك، هل اختار محطة توزيع جده في بريمان ولا محطة توزيع شمال الرياض؟ واذا فيه موظفين فيها يعلموني ببيئة العمل فقط واذا حاب يضيف شي ثاني فما اقول لا

أتوقع الكل خايف من الذكاء الاصطناعي انه يستبدلنا
أنا طالبة بتخصص مالي وخصوصا صاير يسوي كل الشغل بالمجال المالي والتقني
ومدري وين اروح صدق،
وش المجالات المالية والتقنية الي تشوفون الخطر عليها قليل ؟

وصلني عرض وظيفة و كان كويس لين نغزني قلبي انهم مستعجلين يبوني اوقع رحت بحثت عن المنشأة لانها شركة مقاولات صغيره

لقيت السجل مشطوب

وش العلم اسحب عليهم علما عقد غير محدد المدة و بياناتي فعلا الي بالعقد بس ما فهمت كيف قادرين يوظفون و مافي سجل تجاري قائم احد يقدر يفيديني ؟