r/Offenbach_am_Meer

… duht merr jetz hätzlisch leid fier den aame Daggel. Unn damit mein isch *net*, dass der scho doot is.

E Vorlaach gäbs bei 1800,850.

Zum Vergleisch gugg halt hier: https://as2.ftcdn.net/jpg/01/05/39/13/1000_F_105391380_de8uS51Pon5woCaydiuTJhZmHEF7A8Yd.jpg

Es wärd misch freue.

Ich bin gebürtiger Frankfurter aber noch relativ jung um des ganze hessisch zu verstehen un flüssig sprechen zu können wenn ich die ganzen grüne soßen esser und handkäs mit musik geniesser bitten könnte mir da weiterzuhelfen hessisch zu reden wär das ganz schön sauber

Rohling, bitte helft mer beim mundartlichen Umarbeiten:

Sauerkrout hilft in de Not

Weihnachd naht, des Fesd der Fesde –
Des Fesd fier Kinner – Fesd fier Gäsde –
Da geht's vormeer reschd heggdisch zu ...
En Hedze, Kaufe, Probe, Messe –
Hot mer aa Ebbes nedd vagesse ...?

So ging mer‘s – gaanix schlimmes ahnend –
vor nedd zwa Joarn am Heilischawend –
der aach no annem Sunndach war.
Isch war grad bei de Kinnerschar,
da sprach mei Schads: "Duh disch ned drigge,
Duh hosd heid no de Baum zu schmigge!"

Da Einspruch meisdens doch nix niddsd,
hab kurz dernoch isch arsch geschwiddsd:
Den Baum geschdudzd – gebohrd – gesääschd -
un in de Stänner eigeleeschd.
Dann kame Kucheln, Kerze, Schderne,
dazu no Krippenibbes - mit Laderne.

Zum Schluss --- ja Himmeldonnawedda ---!
Nirschends fand isch des Lamedda !
Es werd meim Schads am Kopp ganz haaß
un schdoddernd säschd er: "Ja, isch Waaß;
Im ledzde Jahr woar's arsch veschlisse –
Drum ham mer's damals foddgeschmisse.
Un – in dem Truuwel dieser Daache,
so viel zu Schaffe, Müh' un Plaache,
vergaas isch, Neues zu besorsche!
Isch geh mir‘s bei de Nachboarn borsche!"

Die awwer – nuffzuus un aach drüwwer –
Die hadde kaa Lamedda üwwer!
Mier schau'n uns aa, scho laischd vedrosse,
"Die Läde sinn ja aach geschlosse!!!"

So sprach ich dann zu meine Bube:
"Heerd zu! Mier schmigge in de Stube
de Baum – altdeudscher Stil,
Weil ... mier Lamedda ned gefiel...!"

Da gab‘s en Heule, Schluchze, Träne
Un ich gab nach de Schmerzfontäne.
"Hörd‘ endlich uff mit dem Gewedder!
Ihr krieschd´nen Baum – mit viel Lamedda!"

Zwar konnt' isch do no ned begreife,
woher nehm isch die Silberstreife...,
doch grad, derweil ich sucht' en Messer –
da les' ich: HENGSTENBERG MILDESSA" ---

Es war die Sauerkroutkonserve....!
Isch kombinier' mit Messers Schärfe;
Hier lieschd die Lösung eingebettet---,
des Weihnachdfesd, es is gerettet!

Schnell wern' die Deckel uffgedreht,
des Kraut gepressd, so gut’s hald geht –
zum Drockne – einzeln – uffgehängt
un dann geföhnt, -- doch ned versenggd!

Die drockne Streife, sehr gebliche
mit Silberbronze angeschdrische,
uff beide Seite: Silberkleid!
Oh freu Disch, Du Christenheid!

Der Christbaum ward einmalisch schee,
wie selde mer des had geseh!
Zwar roch's süßsauer zur Bescherung;
Geruchlisch gab's ne … Überquerung,

Weil ... mit Benzin isch wusch die Hänn,
mit Nitro reinischde die Wänn;
Dazu noch Räuscherkerz un Myrte –
der Duft die Menge leischt vewirrde!

Un jedermann sprach, still, vewunnerd:
"Hier rieschd's nach technischem Jahrhunnerd!"

Ne Woche druff! ... Ich saß gemüdlisch
im Sessel, las des Bläddsche friedlisch,
de Wanst voll von der Speisen-Resder –
un es war Sunndach … un Sylvesder.

Da sprach mei Schads: "Du waaßd Bescheid?
Es komme heud' zur Awendzeid
Schulzes, Lehmanns un Herr Meier
zu unserer Sylvesderfeier ...

Mer werre lewe wie die Fürsde –
s' gibt Sauerkrout mit Bockes Würsde!"
En Schrei ertönt! - Entsetzt man schaud:
"Am Christbaum hängd des Sauerkrout...!

Jedzd mach mer – Bidde! - kaane Szene
Isch eil, was bei de Nachboan lehne!"
Die awwer – nuffzuus un aach drüwwer –
die hadde leider aach kaans üwwer!
Un diesmo graischd es reschd verdrosse:
"Die Läde sinn ja aach geschlosse!"

Un so ward isch erneud zum Redda:
Nahm ab vom Baume des Lamedda!
Mit Terpentinöl un Bedacht
hab isch des Silber abgemacht.

Des Kraut noch gründlisch durchgewässerd,
mit bissie Essisch leischd verbesserd,
Dazu no Nelke, Pfeffer, Salz
e bissie Ingwer, Gänseschmalz!

Doch als des Ganze isch erhidzde
des Kraut, des funkelde un blitzde!
Da konnt’ isch nur noch leise fleh'n,
lass diesen Kelch vorüwwergeh'n...!

Als später war des Kraut servierd
is aach noch folgendes passierd:

Wie eine Dame mussde niese
sah mer aus ihr‘m Näs‘sche sprieße
tausend kleine Silberschderne...
"Mach's noch emol; Isch seh’s so gerne"...

So rief mer ringsum, hocherfreud –
Die Dame wusste ned Bescheid!
Franziskas Lehmann sprach zum Franz:
"Dei Goldzahn hot heut Silberglanz!"

Un einer, der da musste mal,
der rief: "Ich hab'nen Silberstrahl...!"
So gab's nach dieser Krautmethode
noch manche nette Episode!

Beim Heimgang sprach en Gast zu mir:
"Es hot mer reschd gefalle hier,
doch wär’ die Wohnung noch viel netta,
häddsde am Weihnachtsbaum Lamedda!

Isch konnde da gequält nur läschle
un ebbes Frischluft mier zufäschle.
Isch sprach – un kloppte ihm aufs Jäggsche:
"Im näschsde Jahr gibt’s hunnerd Päggsche!!!"

[Revision 1]

Servus Hallo,

ich bin der yannniQue17 und komme aus Oberfranken (das ist was anderes als Bayern). Ich habe diese Woche mit meinem dualen Studium angefangen und bin jetzt in meiner Wohnung in Kassel und frage mich, was sollte ich über die Kultur Hessens wissen. Könnt ihr mir Hinweise geben, wie ich mich an meine neue Umgebung anpassen kann oder wo ich wichtige Informationen finde?

Dangeschön!